少年乒乓球比賽@青少年活動中心

某星期六下午, 答應了為乒乓球比賽做拍攝的工作, 對乒乓球認識不多, 連計分都不曉得, 不過, 看見孩子們對乒乓球的熱衷及比賽時認真的態度, 令人讚嘆, 似足運動員, 比賽時, 會沉著應戰, 而且功架十足, 當然, 不乏有些孩子們, 是玩樂的心態, 輸了開頭便越打越洩氣的樣子, 最後當然是貫徹始終認真比賽的孩子們勝出, 意然全是女孩子! (男女混合比賽)  及後知道勝出的女孩子們, 原來是受正式乒乓球訓練, 每星期要練習幾天, 無論如何, 孩子們, 你們真是好厲害啊!

激氣 >o<

家中廁所其中一盞射燈消咗, 唔打算麻煩人哋, 嘗試自己動手換, 第一次換, 點攪都換唔到, 因為有鐵線頂住咗, 唔知點先至可以鬆開佢, 無法啦, 都係要麻煩人, 於是叫管理處搵人嚟, 諗住叫佢教我點樣換, 之後咪識自己換, 點知果位管理員哥哥話管理處幫唔到, 要我搵出面D電器鋪換, 要有牌先至做得, 吓! 唔係麻, 換個燈胆都要揾出面D電器鋪換, 個燈胆得十幾蚊, 叫人返嚟閑閑地一百幾十啦(估計), 次次換個燈胆都要揾出面D電器鋪換, 人工仲貴過燈胆, 都唔係好合理, 咪同佢講咁做咪好stupid, 唔make sense, 問佢其他住戶要換都係要出去搵人, 佢竟然答“係”, 問佢係咪管理處無一個人識, 佢又答“係”, 有無攪錯, 比佢激到跳跳扎!

喺對講機同佢講咗兩轉, 忍唔住, 同佢講我要投訴, 佢問我投訴D mud嘢, 佢無嘢呀, 仲問, 最攪笑係, 問佢可以係邊樹投訴, 馬上話我知個電話號碼, 仲介紹用開果D電器鋪比我, 之後又再問我係咪投訴佢幫唔到忙, 緊係啦, 唔通投訴佢服務好咩, 佢係咪傻傻哋, 仲問, 已經無話可說, 心諗, 唯有搵友人幫忙一吓啦, 真係唔會出去搵電器鋪換個燈胆咁“stupid”!

過咗一陣, 再打嚟, 話會有人上嚟睇睇, 係另外一個管理員(應該係較高級)同埋一位維修人員, 嚟到望咗, 幫我換, 同埋教我點換, 佢哋應該知道我話要投訴, 口中依依啊啊講, 幫到咪幫囉, 好簡單之麻, 早知簡單就早D話上嚟啦, 唔使果位同我聯絡嘅哥仔難做, 更加唔使激到我扎扎跳, 佢哋之前唔肯上嚟, 我諗果位哥仔應該都係照佢哋嘅意思同住客講, 但係做customer service咁樣答D住戶, 當然受把啦, 而且, 既然咁簡單, 就唔使擾樣咗咁耐啦!

八達通的誤解

一直都認為八達通是本世紀其中一項重大發明, 現今大部份香港人(不說全部是可能大些較年長的人未懂得使用而沒用它), 上街除了要帶身份證外, 都一定少不了八達通, 乘巴士或其他公車、便利店購物等, 省卻了携錢幣及免除了找換, 方便極了!

個人擁有一張自動增值的八達通,  顧名思義, “自動增值”又是八達通另一方便之處, 不過, 會擔心如果八達通遺失了, “自動增值”會令損失銀碼增加, 因為如果被盜, 不停使用及自動增值的話, 肯定損失慘重! 

不過, 原來我一直以來的想法是錯誤, 事原上星期六, 早上在超市用八達通購物, 自動增值了一次, 之後也用了它買其他東西, 晚上餘額出現負數了, 習慣了自動增值, 沒理會, 乘巴士拍咭, 竟然不成功, 顯示甚麼甚麼已超限額, 立時狼狽非常找找錢包有沒有錢幣, 幸好剛夠付車資, 否則 尷尬死了!  心想, 難道壞了, 原來八達通限制了每天只可自動增值一次,  今次終於糾正我一直以來對它的誤解及免除在我心中不必要的疑慮, 就算遺失, 最高損失港幣五百元, 不過最好是可免則免啦!

~~ 友人送的可愛八達通貼貼, 另一張奧運版 ~~

重遇我的紫羅蘭

自認對栽種沒甚興趣, 直至進了某公司, 同事們興致勃勃種花或盆栽, 於是趁熱鬧學人種紫羅蘭, 同事剪了兩片葉子給我, 分別是紫色花及白色加紫色邊花兩種花的葉子, 要先將葉子浸水, 直至生根, 然後植入花盆, 開始等待它生長及開花, 再而使它開枝散葉, 高峰期曾擁有八盆紫羅蘭, 最後因要離開公司, 將其中兩盆(不同種)給了老二和老三,其他全送與別人, 沒有留下給自己! 

早前, 想在現工作的公司再次種紫羅蘭, 叫老三分支出來, 現在我的紫羅蘭又回到我處了, 離別了四年, 高興這次的重遇, 雖然現在只有幾片小小葉子, 極期待它趕快生出花蕾及開花, 然後又再次開枝散葉!

~ 接回來時只得外圍幾片葉, 現已生第二層葉子(中間)啦 ~

抱不平男士與沉默的女子

某日乘專線小巴到港鐵站, 沿途小巴站也有乘客上車, 突然聽見有男聲罵 “搭車排隊”, 原來小巴在埋站上客, 疑有人沒有排隊上車, 被罵的男士說跟在排在前位的一女子是一夥, 該罵人的男士在不情願的情況下讓他上車, 因他正正就是為那女子抱不平, 以為女子怕事而不敢作聲; 該罵人的男士在車程中仍不忿在說插隊的不是, 奇怪的是那女子一直不發一言, 由上車直到落車, 與被罵的人坐在一起, 但是全程零交流, 只見在終站那被罵的男等那女子下車一起走, 直覺告訴我他們應該是父女關係, 如果那女子說一聲他們是一夥的話, 相信會很快平息, 不竟這可能只是一場誤會而已! 

奇怪的雞中翼

前陣子,  晚餐想吃雞翼, 將在冰格已放了不知多久的雪藏雞中翼拿出來, 準備弄來吃, 雪藏雞中翼要解凍, 於是將雞中翼放進盆子加水解凍, 竟然發現雞中翼浮在水面, 好奇怪啊! 

你會吃嗎?? 

以為雞中翼表層有冰, 所以浮在水面, 但雞中翼表面的冰已溶化了, 仍然浮在水面, 有點莫名其妙, 自知對廚房事認識不多, 更無廚藝可言, 在我認知層面中, 雞翼不應該浮在水面, 怕吃壞身子, 於是將它全送進垃圾桶, 雖然覺得有點浪費, 總好過因吃它而弄壞身子!  

危機與轉機

年初老細經已話人手過剩, 當時正值金融海嘯中, 有好多不明朗因素, 未知生意會如何, 仍然持觀望嘅態度, 拖字決, 暫且不會有所行動; 兩個月前, 老細再次提出, 因其中一team的生意額跌了九成半, 老細話“賺到嘅都唔夠比果team人嘅人工”, 要我跟那team同事傾談, 沒法子, 遲早都要讓那team同事知道, 雖然不願意也要讓他們知道, 於是與他們開會, 給了他們一個訊息, 讓他們有心理準備, 免得太突然。 

現在已經過了兩季, 終於要行動了,  那team人, 要走一個,  (其實成team只得兩個人), last in first out, 剛巧, 公司其中一客戶急要請人, 可以有offer比要走的那位同事, 於是, 客戶公司派人到我們公司一齊與該同事傾談, 做嘢係要你情我願, 有offer唔代表同事一定接受, 不過我哋會好清楚比到該同事一個訊息, 就算唔接受客人公司嘅offer, 都一樣無得留低, 可以講其實果位同事係無得揀, 唔接受嘅話, 就要失業, 而家嘅環境, 有份工總好過失業, 真係唔知要坐幾耐先至搵到工, 同事接受了,  因客戶公司急需人手, 數天後正式離職。

其實這結果不錯, 可以叫做happy ending, 同事仲年輕, 趁年輕, 在不同公司工作可以豐富自己工作經驗, 而且客戶公司算大公司, 可以學到更多不同新事物, 對一個廿多歲嘅年輕人來說, 發展空間較大, 所以都單獨與該同事傾談, 給予正面思想, 希望同事捉緊這次機遇!

反觀之, 留得低嘅, 未必係好事, 因為可能隨時要面對公司要再次削減開支而減省人手嘅危機, 到時未必好似今次, 會有offer在等你!