大小形狀不一糯米糍 - yummy yummy!

又一新攪作 - 糯米糍, 已是第二次整呀啦, 在網上找尋食譜, 當然係最少特別材料越好啦, 免得買咗材料後做得一兩次, 之後就長期放置等過期, 上次買咗custard powder, 成罐放咗係到, 都唔知點好..

上次跟果個食譜, 做出嚟太軟, 糯米糍拿上手都唔得, 所以今次跟另一食譜, 效果不錯, 可以成粒拿起嗱!

麥提沙糯米糍 (最簡單嘅餡料, 上次用花生醬)

大小任揀, 請隨便....(雖然賣相有 D....mmm!?) BUT yummy yummy !

上白泥農莊 : 海水魚場 垂釣

5月12日再次去魚場釣魚, 已是第二次去啦, 上次釣完魚後, 到元朗市中心晚膳及吃B仔涼粉, 非常盡興, 今次唔得, 因為晚上約了家人慶祝母親節吃晚飯。

友人喜歡這玩意, 間中會約埋我一起玩, 釣魚這玩意不是人人都鍾意, 有些人不喜歡, 覺得是靜態活動或者悶, 這不能否認, 尤其整天吃白果或無魚食你的魚餌,  但當有魚上釣時, 那份心情...wa wa wa...不得了, 你就會覺得, 這玩意都非常有趣。

因為無mud點影相, 得呢張可以睇到魚場嘅一角, 相中人不是我, 是其中一位釣魚翁太太, 借用一吓啦! (如果比佢發現, 死定啦, 唔知佢會幾時發現呢?! )