八號風球下的一天

剛過去的星期三, 晨早懸掛八號風球, 打工一族必定極開心, 可以多一日唔使返工, 喺屋企hea吓, 可惜我享受唔到突如其來唔使返工嘅休息一天。

事關上星期六陪公司啲客返咗大陸, 原定星期三搭早機返嚟, 颱風關係, 上咗機都要落機, 要喺候機室等......開始了慢長的等待! 

在候機室內, 完全沒有有關颱風資訊, 得廣播因颱風航班延遲, 唔知要等幾耐, 唯有打電話返香港update吓颱風消息,  而且起初只得普通話廣播, 果D老外唔知發生mud事, 問我哋, 佢哋忍唔住投訴, 先致有英文廣播, 到了下午四五點才正式通知航班起飛時間改為晚上九時, 航空公司才安排車送我們去酒店休息及食晚飯, 再返機場,

如果滯留香港機場, 可以shopping, 果個國內機場, 每天只有一班直航來回香港, 候機室只有一間小店及餐廳, 原本公司D客plan早上到港, 晚上十一點由香港飛走, 日間時間可以喺香港shopping, 這颱風險些令他們搭唔到晚機走, 一落機就狂奔, 連寄倉行李也等唔切, 最後趕到check-in counter close 前check-in, 我和同事無端端要囉多件行李, D行李要安排寄返比佢哋, 真麻煩!

其間同D客無無聊聊玩Solo打發時間, 即意版 Uno, 佢哋叫 Solo, 玩法同Uno差唔多, 不過有D function咭 Uno無嘅!

這是機場提供的午餐, 似工廠飯堂食果D

由早上九時多等到晚上九時, 十二個鐘.......等...等...等..............多無聊!