都唔知係咪搬屋搬開有癮, 這幾年大小加加埋埋已搬了幾次, 全家由觀塘搬去慈雲山, 然後由慈雲山搬去上水, 再由上水搬去將軍澳, 現在再由將軍澳搬去九龍灣, 之前唔知自己住幾耐, 所以盡量少買傢俱, 家陣有的部份傢俱係人家搬屋唔要, 人棄我取, 前兩次call小型客貨van都可以攪掂, 今倘唔得, 因為有大件傢俱要拆同組裝, 要搵搬屋公司了!
原打算租家人居所附近或同區, 可惜放租盤不多, 唔係太貴就太舊, agent問租唔租套房? 唔係嘛, 單身女子租套房, 咪攪! 其實我要求好簡單, 要乾淨企理, 最好有洗衣機同雪櫃, 冇也可以, 於是跨區, 不過睇咗不下十個八個單位, 都係唔太企理, 都唔明點解d業主唔執好間屋先出租, 有d乾淨企理d, 但又距離理想租金一節, agent見我哋在考慮當中, 突然想起一個單位, 不過樓齡較舊, 即管去睇吓, 內籠都okay, 起碼第一眼望落乾淨企理, 加上有洗衣機同雪櫃, 於是拍板租此單位。
上星期六約搬屋公司送包裝物料嚟pack野, 竟然冇送嚟, 當時又唔得閑問, 過咗兩日先致打電話問, 佢攪笑到竟然答我話唔記得咗, 唔知要搬果日又會唔會唔記得呢!? 
如果又唔記得, 到時唔知會
定
到噴煙呢!?
搬下屋...順便比你掉下唔要的野...哈哈...
回覆刪除[版主回覆02/03/2010 10:00:00]應該冇乜野唔要嘞, 執執吓, 睇吓可以拋棄d乜啦!!
唔記得咁都得，駛唔駛搵第二間，上次我朋友搵那間搬運公司都是上網搵的。
回覆刪除[版主回覆02/03/2010 10:19:00]尋晚終於送咗d箱過嚟嘞, 因為我家陣住果樹只得15分鐘free parking, 所以非常怱忙, 話要收訂金及簽名確認, 攞咗訂金出嚟, 簽完名後, 佢又唔記收訂金, 又留咗支筆, 走咗, 又冇比反張進出紙管理處, 攪到打咗兩三次嚟問佢走咗味....
又唔知到時會唔記得收$$呢!?
快d settle down, 出來行山!
回覆刪除[版主回覆02/04/2010 09:08:00]快ga la.....