南丫島菱角山

大夥兒投票5月21日去邊樹玩..

1) 釣墨魚 or 2) 行山  ==> 行山..

咁行邊樹?

1) 西貢 2) 東平洲 3) 南丫島==> 南丫島 (選呢樹因為大家覺得係最容易, 太耐無戶外活動, 揀D易行路線)

去南丫島, 通常由一邊碼頭行去另一碼頭, 今次想行其他未去過果D, 响網上搵資料及參考人哋D卜, 選上了菱角山, 看看石頭!

路線 : 索罟灣 => 菱角山=> 模達=> 索罟灣

由11點半行到2點半左右 (約三小時)

(原想經石排灣, 東澳返索罟灣, 到達模達時, 大夥兒都非常攰了, 所以揀咗最短嘅路程返索罟灣)

*起初唔知有冇行錯路, 見到此路標放心了-- 冇行錯

*開始看石 -  似唔似海豚

*切開嘅麵包

*行咗半粒鐘就大休了..所有涼亭都係大家前進嘅目標.

*呢舊hmmm...幻想唔到似乜

*綠海龜呀!

*好似話係胎兒石喎

*以為係史諾比石...再睇反人哋D相...原來攪錯咗

*天氣非常炎熱..遠望..哎呀..唔知係乜地方

*有個小洞..我响呢樹穿了一圈

*似被破開的一塊石

*似頭甚麼在望海...

*似小狗嘛??  米老鼠石!?

*猜猜此木條的功用..

*好特別的植物, 未見過

*行完山, 當然係不能缺少佢...我至愛

腳步

腳步  (盛曉玫)

你的腳步  帶著我的腳步         一步一步都有祝福
每個腳步  我要緊緊跟隨         走在蒙福的道路
求 給我 更多的勇氣   給我更多 的信心
讓我勇敢踏出跟隨你的腳步
跟你行在水面上           跟你走在曠野地
曲曲折折我也不在乎
我 只要更多 信靠你   只要更多順服你
凡是出於你的我就默然不語
就算經過黑暗谷           就算遇到暴風雨
在你手中都將變成祝福

2010 香港花卉展覽

前年冇野做去過一次, 用現代傻瓜機影, 今年一樣, 唔同嘅就係用咗我剛買不久嘅第一部入門單反機影, 同爸媽再加上工人一起去, 逗留不久, 約兩個多小時, 媽媽便嚷着要走, 無法啦, 雖然仲想影, 不過, D花好多都開始謝謝哋, 唔係好知點影得好D, 影得出嚟, 不過效果麻麻地.........

路邊貓咪

*某日路過某鋪頭門前見到佢, 忍唔住影咗兩張...

**懶洋洋...食飽眠一眠....爽呀!

快搬屋了!!

都唔知係咪搬屋搬開有癮, 這幾年大小加加埋埋已搬了幾次, 全家由觀塘搬去慈雲山, 然後由慈雲山搬去上水, 再由上水搬去將軍澳, 現在再由將軍澳搬去九龍灣, 之前唔知自己住幾耐, 所以盡量少買傢俱, 家陣有的部份傢俱係人家搬屋唔要, 人棄我取, 前兩次call小型客貨van都可以攪掂, 今倘唔得, 因為有大件傢俱要拆同組裝, 要搵搬屋公司了!

原打算租家人居所附近或同區, 可惜放租盤不多, 唔係太貴就太舊, agent問租唔租套房? 唔係嘛, 單身女子租套房, 咪攪!  其實我要求好簡單, 要乾淨企理, 最好有洗衣機同雪櫃, 冇也可以, 於是跨區, 不過睇咗不下十個八個單位, 都係唔太企理, 都唔明點解d業主唔執好間屋先出租, 有d乾淨企理d, 但又距離理想租金一節, agent見我哋在考慮當中, 突然想起一個單位, 不過樓齡較舊, 即管去睇吓, 內籠都okay, 起碼第一眼望落乾淨企理, 加上有洗衣機同雪櫃, 於是拍板租此單位。

上星期六約搬屋公司送包裝物料嚟pack野, 竟然冇送嚟, 當時又唔得閑問, 過咗兩日先致打電話問, 佢攪笑到竟然答我話唔記得咗, 唔知要搬果日又會唔會唔記得呢!?   如果又唔記得, 到時唔知會定到噴煙呢!?

學影相

前陣子走去學影相, join咗一個數碼攝影入門, 諗住買部入門DSLR, 睇咗C記500D同N記D5000, 冇即刻買機, 諗住上一兩堂睇吓情況點先至買, 一上堂, cfu就叫我哋唔好買機住, 上完堂先買, 我呢d乖學生當然聽話, 不過就有d唔方便, 出外影時, 個個攞部大機出嚟影, 我哋只得部DC仔, 第一次外影, 發現每個同學仔d器材唔野小, 而且好齊備, 佢哋都唔知係咪真係入門, 有d ching 係d700, d300, d3x, 40d……心諗, 唔係化, 個個部機都唔係入門機, 咁都走嚟學入門!?

開初想買c記 500D or n記 d5000.  上完堂問cfu買乜機.  佢都唔建議買入門機, 買部好d, 佢應該都係n 派, 問c記, 好似唔想比意見, 問n記, 一講就話d700, 嘩...好貴啊!  d300s都好, 睇過d price, 淨body都好似要over 10K, 加埋lens 接近 20k....剛剛開始玩, 好似貴咗d喎!  另外, 考慮緊50d, around 10K for kit set……..啊…原來玩影相都係…要有$$ gar......!!

凍薪 + no B仔 >_<

終於知道結果, 其實同事們都有心理準備, 不過唔多唔少仍抱一絲絲希望….

這下子今年過年可慘了….每逢過年一般支出會多D,  再加上要搬屋…

唔想明年都係咁, 一係努力搵多D客, 一係努力搵過份好工…..!!!!