快搬屋了!!

都唔知係咪搬屋搬開有癮, 這幾年大小加加埋埋已搬了幾次, 全家由觀塘搬去慈雲山, 然後由慈雲山搬去上水, 再由上水搬去將軍澳, 現在再由將軍澳搬去九龍灣, 之前唔知自己住幾耐, 所以盡量少買傢俱, 家陣有的部份傢俱係人家搬屋唔要, 人棄我取, 前兩次call小型客貨van都可以攪掂, 今倘唔得, 因為有大件傢俱要拆同組裝, 要搵搬屋公司了!

原打算租家人居所附近或同區, 可惜放租盤不多, 唔係太貴就太舊, agent問租唔租套房? 唔係嘛, 單身女子租套房, 咪攪!  其實我要求好簡單, 要乾淨企理, 最好有洗衣機同雪櫃, 冇也可以, 於是跨區, 不過睇咗不下十個八個單位, 都係唔太企理, 都唔明點解d業主唔執好間屋先出租, 有d乾淨企理d, 但又距離理想租金一節, agent見我哋在考慮當中, 突然想起一個單位, 不過樓齡較舊, 即管去睇吓, 內籠都okay, 起碼第一眼望落乾淨企理, 加上有洗衣機同雪櫃, 於是拍板租此單位。

上星期六約搬屋公司送包裝物料嚟pack野, 竟然冇送嚟, 當時又唔得閑問, 過咗兩日先致打電話問, 佢攪笑到竟然答我話唔記得咗, 唔知要搬果日又會唔會唔記得呢!?   如果又唔記得, 到時唔知會定到噴煙呢!?

為食之過 >_<

又要補牙嘞, 之前經驗個兩、三次因為食嘢唔小心整崩咗 d 牙, 要補牙, 已經覺得好唔抵, 唔補又唔得, 唔想做崩牙妹, 家陣食嘢已經好小心, 可惜都係避唔到, 上星期六睇電視時, 食包橡皮可樂糖, 竟將之前補牙嘅牙粉癡咗出嚟, 十元八塊包糖, 家陣要花幾佰蚊補牙, 真係唔抵, 唯有叫自己除咗再要小心d外, 諗都係要戒食橡皮糖嘞!!

鯇魚 vs. 脆肉鯇魚

平日都是老爸帶同高思雅買餸煮飯, 昨天放假一天, 由我來做, 晚飯最基本是三餸一湯, 於是到街市, 高思雅跟老爸去得街市多, 所以買甚麼都知道到那一檔買, 跟她說買甚麼, 她就帶我到那檔門前, 不過諗每餐吃甚麼也不易, 行行吓想到不如蒸淡水魚, 不記得平時吃的是甚麼魚, 走到魚檔前, 問高思雅通常買多數份量, 甚麼也沒有問檔主, 便指着我們認為大小合適的魚塊便買回家了。

蒸魚通常蒸十多二十分鐘便熟, 要知道是否熟, 用筷子穿過魚身看是否熟了, 十五分鐘, 穿不過, 廿多分鐘, 依然不能, 仔細再看, 原來買回來的是脆肉鯇魚, 怪不得蒸了那麼久仍穿不過魚身啦。 

脆肉鯇魚肉地比較硬, 通常是火鍋材料, 不會清蒸, 而清蒸的, 應該是一般的鯇魚, 今倘真失策, 竟買了脆肉鯇魚來清蒸, 換來給大家笑的機會, 沒法子, 誰叫自己做了此傻瓜事!

最終唯有我用刀叉將魚肉分拆成小件供大家享用, 否則, 可能原封不動留在碟上, 因為以我們的筷子功力, 根本不可能將魚肉分拆來吃! 

手機壞了!?

哎吔!  點解個電話义唔到電, 出現error message, 攪兩吓個插位, 連畫面都無埋, 唔係化, 壞咗, 仲未諗住換機同埋未揀到心水電話喎, 又無spare電話, 諗住臨時買部cheap cheap 電話頂住先, 到搵到心水才買, 於是趁住樓下電器鋪未關門, 走一趟, cheap cheap 電話真係唔係好靚仔, 揀唔落手, 問店員借電話致電回家問吓老三, 因為佢之前同工人出咗部cheap cheap電話, 老三唔建議買得咁急, 叫我用住媽子部手機, 攞部手機去維修部睇吓有無得整, 如果唔得, 等揀到才買,  唯有係咁啦!

但心有不甘, 覺得唔一定電話壞, 電池壞也說不定, 老三同我用同一牌子手機, 原來亦用同一種電池, 於是交換電池試, 哈哈, 竟然着機, 老三就用我的電池响佢部手機义電, 又無事喎, 咁即係個义電座有問題啦, 再試, bingo.  真相大白了, 唔使趕住買機, 可以慢慢揀勒!

病了 >o<

身體一向都okay, 傷風感冒都比較少,小病間中都會有, 不過次數不多, 今倘真的病了, 每次都是由喉嚨開始, 今次亦不例外, 上週末, 喉嚨乾, 開始咳便知道作病, 而且口腔左右及舌頭都長出痱滋, 好痛啊!  已減少吃煎炸及熱氣食物, 咖啡也停飲了, 以為可以令喉嚨舒適些及不用咳得那麼辛苦, 怎料也幫忙不了, 星期一上班, 與同事對話, 才發現聲線也變得似白姐姐, 原本不打算看醫生也不行, 於是下班後便立即看醫生, 醫生一般都是說要誡煎炸、辛辣食物及凍飲, 其實大多數人都知道, 不想自己辛苦也會跟着做, 當然我也得聽話。 公司比較清閒及避免在公司傳染其他同事, 所以在家休息一天, 俗語說: “小病是福”, 閒來在家也不錯啊! 

Maid Maid 哭了

Indon. Maid Maid 嚟咗快一個月了, 昨晚响屋企食飯, 我哋會同枱食飯, 不過佢通常會遲d先出嚟食, 叫極佢都係咁, 我哋差唔多食咗一半, 食得快果d已經食飽離枱佢先埋位食, 家人已經由得佢, 不過尋晚, 差不多所有人都食完都未出嚟, 老三咪睇吓佢做mud, 起初都無為意, 原來佢响廚房喊, 一問之下, 原來係整爛咗隻湯匙, 可能驚比我哋罵, 所以喊同埋唔敢出嚟食飯, 原來係咁, 真係比佢攪到哭笑不得, 老三咪叫佢喊完, 洗面出嚟食飯。 

對我們來說, 其實好小事, 不過對佢就未必, 始終都係打工, 整爛老闆嘅野喎, 心裡一定慌啦, 反過來, 如果我哋整壞or爛公司或老闆嘅野, 可能都會膽戰心驚, 當然未必會喊。

到目前為止, 佢都算ok, 聽聽話話, 沒有麻煩野, 不過現階段尚早, 而且大家都在適應, 再過多一段時間再comment吧!

少年乒乓球比賽@青少年活動中心

某星期六下午, 答應了為乒乓球比賽做拍攝的工作, 對乒乓球認識不多, 連計分都不曉得, 不過, 看見孩子們對乒乓球的熱衷及比賽時認真的態度, 令人讚嘆, 似足運動員, 比賽時, 會沉著應戰, 而且功架十足, 當然, 不乏有些孩子們, 是玩樂的心態, 輸了開頭便越打越洩氣的樣子, 最後當然是貫徹始終認真比賽的孩子們勝出, 意然全是女孩子! (男女混合比賽)  及後知道勝出的女孩子們, 原來是受正式乒乓球訓練, 每星期要練習幾天, 無論如何, 孩子們, 你們真是好厲害啊!

激氣 >o<

家中廁所其中一盞射燈消咗, 唔打算麻煩人哋, 嘗試自己動手換, 第一次換, 點攪都換唔到, 因為有鐵線頂住咗, 唔知點先至可以鬆開佢, 無法啦, 都係要麻煩人, 於是叫管理處搵人嚟, 諗住叫佢教我點樣換, 之後咪識自己換, 點知果位管理員哥哥話管理處幫唔到, 要我搵出面D電器鋪換, 要有牌先至做得, 吓! 唔係麻, 換個燈胆都要揾出面D電器鋪換, 個燈胆得十幾蚊, 叫人返嚟閑閑地一百幾十啦(估計), 次次換個燈胆都要揾出面D電器鋪換, 人工仲貴過燈胆, 都唔係好合理, 咪同佢講咁做咪好stupid, 唔make sense, 問佢其他住戶要換都係要出去搵人, 佢竟然答“係”, 問佢係咪管理處無一個人識, 佢又答“係”, 有無攪錯, 比佢激到跳跳扎!

喺對講機同佢講咗兩轉, 忍唔住, 同佢講我要投訴, 佢問我投訴D mud嘢, 佢無嘢呀, 仲問, 最攪笑係, 問佢可以係邊樹投訴, 馬上話我知個電話號碼, 仲介紹用開果D電器鋪比我, 之後又再問我係咪投訴佢幫唔到忙, 緊係啦, 唔通投訴佢服務好咩, 佢係咪傻傻哋, 仲問, 已經無話可說, 心諗, 唯有搵友人幫忙一吓啦, 真係唔會出去搵電器鋪換個燈胆咁“stupid”!

過咗一陣, 再打嚟, 話會有人上嚟睇睇, 係另外一個管理員(應該係較高級)同埋一位維修人員, 嚟到望咗, 幫我換, 同埋教我點換, 佢哋應該知道我話要投訴, 口中依依啊啊講, 幫到咪幫囉, 好簡單之麻, 早知簡單就早D話上嚟啦, 唔使果位同我聯絡嘅哥仔難做, 更加唔使激到我扎扎跳, 佢哋之前唔肯上嚟, 我諗果位哥仔應該都係照佢哋嘅意思同住客講, 但係做customer service咁樣答D住戶, 當然受把啦, 而且, 既然咁簡單, 就唔使擾樣咗咁耐啦!

八達通的誤解

一直都認為八達通是本世紀其中一項重大發明, 現今大部份香港人(不說全部是可能大些較年長的人未懂得使用而沒用它), 上街除了要帶身份證外, 都一定少不了八達通, 乘巴士或其他公車、便利店購物等, 省卻了携錢幣及免除了找換, 方便極了!

個人擁有一張自動增值的八達通,  顧名思義, “自動增值”又是八達通另一方便之處, 不過, 會擔心如果八達通遺失了, “自動增值”會令損失銀碼增加, 因為如果被盜, 不停使用及自動增值的話, 肯定損失慘重! 

不過, 原來我一直以來的想法是錯誤, 事原上星期六, 早上在超市用八達通購物, 自動增值了一次, 之後也用了它買其他東西, 晚上餘額出現負數了, 習慣了自動增值, 沒理會, 乘巴士拍咭, 竟然不成功, 顯示甚麼甚麼已超限額, 立時狼狽非常找找錢包有沒有錢幣, 幸好剛夠付車資, 否則 尷尬死了!  心想, 難道壞了, 原來八達通限制了每天只可自動增值一次,  今次終於糾正我一直以來對它的誤解及免除在我心中不必要的疑慮, 就算遺失, 最高損失港幣五百元, 不過最好是可免則免啦!

~~ 友人送的可愛八達通貼貼, 另一張奧運版 ~~

重遇我的紫羅蘭

自認對栽種沒甚興趣, 直至進了某公司, 同事們興致勃勃種花或盆栽, 於是趁熱鬧學人種紫羅蘭, 同事剪了兩片葉子給我, 分別是紫色花及白色加紫色邊花兩種花的葉子, 要先將葉子浸水, 直至生根, 然後植入花盆, 開始等待它生長及開花, 再而使它開枝散葉, 高峰期曾擁有八盆紫羅蘭, 最後因要離開公司, 將其中兩盆(不同種)給了老二和老三,其他全送與別人, 沒有留下給自己! 

早前, 想在現工作的公司再次種紫羅蘭, 叫老三分支出來, 現在我的紫羅蘭又回到我處了, 離別了四年, 高興這次的重遇, 雖然現在只有幾片小小葉子, 極期待它趕快生出花蕾及開花, 然後又再次開枝散葉!

~ 接回來時只得外圍幾片葉, 現已生第二層葉子(中間)啦 ~

抱不平男士與沉默的女子

某日乘專線小巴到港鐵站, 沿途小巴站也有乘客上車, 突然聽見有男聲罵 “搭車排隊”, 原來小巴在埋站上客, 疑有人沒有排隊上車, 被罵的男士說跟在排在前位的一女子是一夥, 該罵人的男士在不情願的情況下讓他上車, 因他正正就是為那女子抱不平, 以為女子怕事而不敢作聲; 該罵人的男士在車程中仍不忿在說插隊的不是, 奇怪的是那女子一直不發一言, 由上車直到落車, 與被罵的人坐在一起, 但是全程零交流, 只見在終站那被罵的男等那女子下車一起走, 直覺告訴我他們應該是父女關係, 如果那女子說一聲他們是一夥的話, 相信會很快平息, 不竟這可能只是一場誤會而已! 

私家診所事件一則

事件發生於某星期六下午, 話說有一位病人由家屬陪同看醫生, 病人本身要坐輪椅, 但可以用四腳叉輔助行幾步, 診所的門有梯級, 而且診所內空間有限, 所以病人由家人扶持用四腳叉輔助步入診所等候醫生回診所, 把輪椅放在診所門外, 免得阻礙其他病人。  醫生遲了回來 (原本四時開診, 他回來已約五時), 小小的診所已經擠滿了人, 登記的小姐向該病人家屬要求….

登記的小姐: 病人要坐輪椅應診, 因為有帶輪椅嚟, 推輪椅入嚟扶病人坐上輪椅, 快到你啦!

家屬: 點解要坐輪椅應診?

(家屬不明白所以, 為什麼今次要求坐輪椅來的病人坐輪椅應診, 因為之前兩次都不用, 而且輪椅放在診所中, 因為當時診所內沒有太多人)

登記的小姐: 係醫生要求架

家屬: 之前都唔使架

登記的小姐: 之前唔知有帶輪椅嚟, 今次醫生見到, 所以要坐輪椅見醫生

(奇怪, 為何之前看不見, 難道…….)

家屬: 係咪唔坐輪椅就就唔睇得醫生

登記的小姐:  (沒有回答家屬的問題, 而因家屬沒有照做便小聲再同家屬說)  係咪聽唔明呀!

(整間診所的人都留意事件的發生, 病人家屬起初沒有理會, 因為病人家屬是女士, 能夠在平路推輪椅, 但不夠力氣把輪椅摋上梯級或斜路, 因醫生房門前有小斜而且輪椅太大而不能推入醫生房門, 最終家屬都把輪椅弄進診所那小小的空間讓病人坐上, 那位置實在太小了, 連小小轉動輪椅都碰到其他人, 但病人家屬向醫生表明沒有能力把病人推上醫生房門, 醫生出來了)

醫生: 推病人過嚟

家屬: 好老實, 我無能力推佢過嚟 (已經很激氣)

醫生: 今次我幫你, 下次搵個有能力嘅人嚟推病人睇醫生 (語氣都不佳)

(醫生推的時候也碰到在等候的人)

診症過程也有些不咬弦及針鋒相對………..!

病人可以用輔助工具步行, 為什麼那醫生一定要要求該病人坐輪椅應診而此要求又難倒陪病人看醫生的家屬呢??  

醫生知否不是每個家庭都能出有能力(大力)之士, 是否沒有能力就不能帶病人看病?   

Bad news again >_<

上星期碰見一舊同事, 已是10年前工作的公司的舊同事, 大家都已離開了該公司很長時間, 平日一年都唔會見一次, 從她口中得知其上司在農曆新年前離世, 剛四十出頭, 遺下丈夫及兩個未滿十歲的小孩子, 病因是腎衰竭, 詳情也不太清楚, 聽說她年輕時工作極之投入, 而且非常捱得, 以致上廁所及進食的動作可免則免, 可能因此而捱壞了身子吧!  她的工作態度及對工作的熱誠, 實在令人欣賞, 但因此而賠上了生命, 又是否值得呢?  

請大家對你們的身子好些吧, 身子給你訊號時, 可能是向你投訴, 你要多加留意你身子的需要, 不要讓它虛耗過度, 免得它不曉得向你發訊號時, 就太遲了!

(其實人人都知道如何可以有個好身子, 可是, 能知而行的人又有幾人呢??)

林前 6:19      

豈 不 知 你 們的 身 子 就 是 聖 靈 的 殿 麼 ． 這 聖 靈 是 從 　 神 而 來 、 住 在 你 們 裡 頭 的 ． 並 且 你 們 不 是 自 己 的 人 ．

太 16:26

人 若 賺 得 全 世 界 、 賠 上 自 己 的 生 命 、 有 甚 麼 益 處 呢 ． 人 還 能 拿 甚 麼 換 生 命 呢 。

喪禮 vs 婚禮

彷彿不應該將喪禮和婚禮這兩個題目放在一起, 但又好真實, 在這兩個場合有一相同之處, 就是會將平日很久不見或很少往來的親朋戚友聚在一起。

由讀書到出來工作後, 出席越來越多親朋戚友的婚禮, 但當人越大, 尤其這幾年, 反而出席喪禮的次數比婚禮還多, 有時更是出席那些與自己年紀相約或是比自己遠要年輕的人的喪禮!

如果沒有記憶錯誤, 今年已出席了好幾個喪禮或安息禮拜, 今天晚上亦出席了一個 喪禮, 故人是舊公司同事, 就是之前自己剛離職那公司的同事, 原本我是不知道的, 較早前跟其中一位同事通電話, 他告訴我那位同事 "走了", 我還以為不幹了, 沒想到他的意思是離世, 實在很突然, 我離職的時候是三月初, 她仍然是健健康康的, 由知道有病到離世只是短短的半年而已!  心裡的感覺非常不好受, 因為與她共事時, 未能捉緊機會向她傳福音....!

出席安息禮拜跟喪禮的心情會不一樣 : -

安息禮拜 -- 是安息主懷,  神息了他/她在地上的勞苦而已,  雖然情感上會不捨得, 但是有盼望, 將來必能在天家相聚。

喪禮 -- 是永遠...永遠的分...離, 沒有盼望, 縱然在世時, 是多麼愛他/她, 卻是不能再相聚.....。