奇怪的雞中翼

前陣子,  晚餐想吃雞翼, 將在冰格已放了不知多久的雪藏雞中翼拿出來, 準備弄來吃, 雪藏雞中翼要解凍, 於是將雞中翼放進盆子加水解凍, 竟然發現雞中翼浮在水面, 好奇怪啊! 

你會吃嗎?? 

以為雞中翼表層有冰, 所以浮在水面, 但雞中翼表面的冰已溶化了, 仍然浮在水面, 有點莫名其妙, 自知對廚房事認識不多, 更無廚藝可言, 在我認知層面中, 雞翼不應該浮在水面, 怕吃壞身子, 於是將它全送進垃圾桶, 雖然覺得有點浪費, 總好過因吃它而弄壞身子!  

危機與轉機

年初老細經已話人手過剩, 當時正值金融海嘯中, 有好多不明朗因素, 未知生意會如何, 仍然持觀望嘅態度, 拖字決, 暫且不會有所行動; 兩個月前, 老細再次提出, 因其中一team的生意額跌了九成半, 老細話“賺到嘅都唔夠比果team人嘅人工”, 要我跟那team同事傾談, 沒法子, 遲早都要讓那team同事知道, 雖然不願意也要讓他們知道, 於是與他們開會, 給了他們一個訊息, 讓他們有心理準備, 免得太突然。 

現在已經過了兩季, 終於要行動了,  那team人, 要走一個,  (其實成team只得兩個人), last in first out, 剛巧, 公司其中一客戶急要請人, 可以有offer比要走的那位同事, 於是, 客戶公司派人到我們公司一齊與該同事傾談, 做嘢係要你情我願, 有offer唔代表同事一定接受, 不過我哋會好清楚比到該同事一個訊息, 就算唔接受客人公司嘅offer, 都一樣無得留低, 可以講其實果位同事係無得揀, 唔接受嘅話, 就要失業, 而家嘅環境, 有份工總好過失業, 真係唔知要坐幾耐先至搵到工, 同事接受了,  因客戶公司急需人手, 數天後正式離職。

其實這結果不錯, 可以叫做happy ending, 同事仲年輕, 趁年輕, 在不同公司工作可以豐富自己工作經驗, 而且客戶公司算大公司, 可以學到更多不同新事物, 對一個廿多歲嘅年輕人來說, 發展空間較大, 所以都單獨與該同事傾談, 給予正面思想, 希望同事捉緊這次機遇!

反觀之, 留得低嘅, 未必係好事, 因為可能隨時要面對公司要再次削減開支而減省人手嘅危機, 到時未必好似今次, 會有offer在等你!

親眼看見祢

這個星期呢首詩歌經常在腦海中浮現, 事原上星期團契詩歌分享聚會, 有人分享這首詩歌, 當時都沒有特別感覺, 到了主日祟拜, 主席同樣帶唱這首詩歌, 之後, 詩歌的旋律及歌詞就間歇性出現了, 一首非常滿有感情又動聽的詩歌!

久違了Karaoke

哎呀, 好背呀, 好多歌都唔識, 果D唱歌嘅人(歌星), 都唔知mud水, 個樣同名都唔知, 唯有揀翻D N年前嘅歌去唱, 宜家年青一輩唔多識果D呀!

真係唔記得有幾耐無去過了, 印象中上次去好似係有兩三年前吧, 不知這玩兒係咪好似以前咁流行D, 還是家陣已經過時, 諗真吓, 應該係我已經過了蒲karaoke嘅年紀嘞! 

挪亞方舟公園 + 馬灣公園一天遊

挪亞方舟公園

未正式開放給公眾, 只接受團體參觀, 有機會以團體名義遊, 這應該是繼海洋公園及迪士尼後香港第三個主題公園, 以聖經人物---挪亞為藍本而建的主題公園, 位於馬灣, 即一私人屋苑範圍內, 公園正門入口在馬灣公園入口的斜對面

*動物大巡遊 (如果大家對挪亞有少少認識, 就知道會有很多動物出現..)

*相機能夠影到最闊仍不能把整隻方舟入鏡

*沙灘及背後的私人屋苑, 天氣佳, 也有人在暢泳

*在公園內可以從不同角度拍青馬大橋

*公園地圖*

*公園入場卷*

遊完方舟公園, 便走過對面的馬灣公園, 這兒是拍攝的好地方, 尤其看見有多人在此拍攝婚紗照! 

可惜時間不夠, 而且人非常多, 無法取有利位置拍景, 怱忙拍了幾張便離開, 下次一定預多點時間在這兒慢慢逛及拍照!

悠閒的星期天下午@赤柱

友人即興相約聚一聚, 大家已有一陣子沒有見面了, 預先約通常未必約到, 反而即興成功率頗高, 沒有定目的地, 哪兒都可以, 志在見下面, 暢談一番, 用現在術語—hea 吓!  大家都是這樣心態時, 當有人提出地方就會朝向那地方出 發 —赤柱。

久違了赤柱, 已記起有多久沒有踏足過這地方, 五年? 十年? 可能更久,以前那兒沒有政府建築的公共房屋, 沒有美利樓, 現在美利樓已成為赤柱的地標了, 一切都在改變!

到達赤柱已是下午茶時間, 隨便吃過, 週圍逛, 走在沙灘上, 停留一會, 看看別人在燒烤, 玩耍, 我們在暢談近況, 逸事, 所謂 “吹吓水”!

再走走, 走進碼頭, 看看別人在垂釣, 拍照, 原來那兒都成為拍婚紗照的場地, 坐在路邊酒吧, 嘆啤酒, 可惜選上了沒在小食的酒吧, 天氣不佳, 看不到日落黃昏, 只有漸漸灰黑的天色, 小雨點也靜悄悄來了; 晚餐時候了,  走進美利樓, 選上一家不多人等候的餐廳, 點了一個超大份量的套餐, 補償了沒有小吃的失落!

*還擺放了牛牛展品!

*這是去年名氣最盛的...........奶粉事件的牛牛展品

私家診所事件一則

事件發生於某星期六下午, 話說有一位病人由家屬陪同看醫生, 病人本身要坐輪椅, 但可以用四腳叉輔助行幾步, 診所的門有梯級, 而且診所內空間有限, 所以病人由家人扶持用四腳叉輔助步入診所等候醫生回診所, 把輪椅放在診所門外, 免得阻礙其他病人。  醫生遲了回來 (原本四時開診, 他回來已約五時), 小小的診所已經擠滿了人, 登記的小姐向該病人家屬要求….

登記的小姐: 病人要坐輪椅應診, 因為有帶輪椅嚟, 推輪椅入嚟扶病人坐上輪椅, 快到你啦!

家屬: 點解要坐輪椅應診?

(家屬不明白所以, 為什麼今次要求坐輪椅來的病人坐輪椅應診, 因為之前兩次都不用, 而且輪椅放在診所中, 因為當時診所內沒有太多人)

登記的小姐: 係醫生要求架

家屬: 之前都唔使架

登記的小姐: 之前唔知有帶輪椅嚟, 今次醫生見到, 所以要坐輪椅見醫生

(奇怪, 為何之前看不見, 難道…….)

家屬: 係咪唔坐輪椅就就唔睇得醫生

登記的小姐:  (沒有回答家屬的問題, 而因家屬沒有照做便小聲再同家屬說)  係咪聽唔明呀!

(整間診所的人都留意事件的發生, 病人家屬起初沒有理會, 因為病人家屬是女士, 能夠在平路推輪椅, 但不夠力氣把輪椅摋上梯級或斜路, 因醫生房門前有小斜而且輪椅太大而不能推入醫生房門, 最終家屬都把輪椅弄進診所那小小的空間讓病人坐上, 那位置實在太小了, 連小小轉動輪椅都碰到其他人, 但病人家屬向醫生表明沒有能力把病人推上醫生房門, 醫生出來了)

醫生: 推病人過嚟

家屬: 好老實, 我無能力推佢過嚟 (已經很激氣)

醫生: 今次我幫你, 下次搵個有能力嘅人嚟推病人睇醫生 (語氣都不佳)

(醫生推的時候也碰到在等候的人)

診症過程也有些不咬弦及針鋒相對………..!

病人可以用輔助工具步行, 為什麼那醫生一定要要求該病人坐輪椅應診而此要求又難倒陪病人看醫生的家屬呢??  

醫生知否不是每個家庭都能出有能力(大力)之士, 是否沒有能力就不能帶病人看病?